Shkencëtarët në Gjermani kanë zhvilluar teknologjinë ere me ndihmën e së cilës automjet mund të drejtohet me ndihmën e shikimit. Raul Rohas, hulumtues i inteligjencës artificiale në Universitetin e Berlinit, u ka sqaruar sot gazetarëve se me kjo teknologji e re ndjek (përcjell) lëvizjen e syve të shoferit, dhe mbi bazë të kësaj drejtohet edhe automjeti.

Rohas dhe ekipi i tij prezantuan prototipin e veturës së re të quajtur "Dogde caravan" në ish-aeroportin e braktisur të Berlnit."Timoni lëvizte sikur atë ta drejtonin farë duarsh imagjinare", shkroi gazetari i agjencisë AP.

Teknologjia re e quajtur "eyeDriver", mundëson ngasjen e automjetit me shpejtësi deri në 50 kilometra në orë, por po punohet në atë drejtim që drejtim i automjetit të jetë i mundshëm edhe te shpejtësitë më të mëdha.Teknologjia re mundëson edhe vozitjen në "rikuerc" – mjafton që shoferi të shikojë në retrovizor për ta "orientuar” veturën.

Por, ëka ndodh nëse diç sheh gjatë rrugëtimit dhe kjo ia tërheq vëmendjen e shikimit, si për shembull një vajzë e bukur apo diç tjetër?

Hulumtuesit kanë përgjigje edhe në këtë pyetje. Ata theksojnë se kjo veturë është e pajisur me sistem navigues GPS, me numër të madhe të kamerave, laserëve dhe skanerëve, të cilët i mundësojnë automjetit të lëvizë edhe vet, pa ndihmën e shoferit.