Main » 2010 » Shator » 1 » Big Basta në raporte jo të mira me kolegët!
4:26 PM
Big Basta në raporte jo të mira me kolegët!
Sot janë në dy kahe të kundërt, ndërsa vetëm një vit më parë ecnin mbi
të njëjtën rrugë. Rebeli Big Basta nuk do njeri mbi kokë. Fillimisht
këtë e demonstroi kur menaxhohej nga Dr. Flori e Produkt 28 (Studio
Style), apo Ervin Gonxhaj (Immortal Records) e së fundmi nga Flori
Mumajesi (NRG Records).
Alibija e prishjes së marrëdhënieve me
menaxherët ishte pikërisht mosnxjerrja e albumit në kohë prej tyre. Këtë
e ka pohuar vetë reperi, sidomos pas ndarjes së fundit dhe të përfolur
prej tij me Flori Mumajesin, me të cilin kishte disa bashkëpunime.
Por këtë herë indinjata e Gerald Xharit të njohur nga të gjithë me emrin
muzikor Big Basta i kishte kaluar caqet. Aq sa ai vetë doli në disa të
përjavshme për të komentuar ndarjen e tij me Florin e për të thënë
gjithë zhgënjimet e tij, ku sigurisht çështja e albumit ishte argumenti
kryesor. Edhe sot e kësaj dite mëria e tij vazhdon. Pak muaj më parë
madje ai u dedikoi edhe një këngë ish-menaxherëve të tij, ku ndërsa i
bënte qejfin vetes nuk stepej të fliste kundër "West Side Family” e Flor
Mumajesit. Por të mos mjaftonte kjo këtu përfshin edhe këngëtaren
Elvana Gjata.
Kënga "Historia ime”, rrëfen nisjen e karrierës së tij por edhe mënyrën
sesi e paskëshin "përdorur” të gjithë. Megjithatë ajo që kemi vëzhguar
së fundmi, edhe pse është kundër Florit, Big Basta duket se po e ndjek
atë në çdo hap në muzikë. Këtu e kemi fjalën për bashkëpunimet e tij.
Pikërisht ka afruar këngëtaren Samanta Karavello dhe ka realizuar këngën
e saj "Le të jetë”, e cila duhet thënë se për analogji, e ka nisur
rrugën njësoj si Elvana Gjata në "Ethet e së premtes mbrëma”. Por ajo që
vihet re në klipin e Samantës është se ka një ngjashmëri po me këngën e
Elvanës "Vetes”; vajza të shtrira në breg të detit dhe që dalin nga
deti duke përkëdhelur veten.
Ndërkaq një suport mediatik, po të madh Big Bastës po i jep Zaimina. Të
mos harrojmë këtu që një vit më parë Big Basta bashkëpunoi me Çiljetën
në këngën "Deja vu”, këngë vazhdimi i së cilës "Next episode” është
lançuar këtë verë. Ç’ka do të thotë se Zajmina krah Big Bastës ka zënë
vendin e Çiljetës, por në të njëjtën kohë edhe i ka ndenjur besnik Big
Bastës, me të cilin çuditërisht nuk ka asnjë bashkëpunim, përveç faktit
se ajo së bashku me Samanta Karavellon shfaqen në klipin e Big Bastës.
Ajo që duket qartë është se Big Basta po luan me të njëjtat armë si të
Florit, madje është po kaq rigoroz në ndjekjen e karrierës siç vepron
edhe Mumajesi. Së fundmi, Big Basta është shfaqur në tregun muzikor me
këngën "Welcome to AL”, ku çuditërisht shohim si sport edhe këngëtaren
Jonida Maliqi që bën modelen krah reperit në këtë këngë.
Downloadoni dhe instaloni Toolbarin më të mirë shqiptar. Përmbajte të ndryshme : Të gjithaTVshqiptare LIVE, VIP Shpija e Kosoves LIVE, Big Brother Albania 4 LIVE, Video lajme, Facebook, Radio Shqiptare LIVE, Seriale dhe humore me të reja!