Main » 2009 » Shator » 20 » Fadil Berisha akuzohet për favorizim nacional, në Miss Universe 2009
9:37 AM
Fadil Berisha akuzohet për favorizim nacional, në Miss Universe 2009
Revista “People”, në edicionin e saj spanjoll, ka akuzuar fotografin shqiptar Fadil Berisha, për favorizim të zgjedhjes në finale të “Miss Albania” dhe “Miss Kosova”, përkatësisht Hasna Xhukici dhe Marigona Dragusha. Sipas shkrimit me titull “Fotógrafo habría influenciado Miss Universo”, Berisha, fotografi zyrtar i këtij konkursi bukurie me përmasa botërore, ka zgjedhur qëllimisht, përmes influencës së tij, vajzat shqiptare në finale. Edhe më herët, debatet që hodhën dyshime mbi zgjedhjene“ Miss Universe2009”, Stefania Fernandez, nxitën polemika rreth figurës së fotografit shqiptar Fadil Berisha,madje edhe presidentit të këtij evenimenti Donald Trump. Në shkrimin e revistës thuhet se, Fadil Berisha është përgjegjës për zgjedhjen e kandidateve në “Miss Universe”, duke favorizuar hyrjen në dhjetëshe të kosovares Marigona Dragusha dhe shqiptares Hasna Xhukici. Media spanjolle supozon se Berisha ka përgatitur dy kandidatët e “Miss Kosova” dhe “Miss Albania”, për disa javë në Nju Jork para udhëtimit në Bahamas, ku kanë marrë këshilla nga fotografi. Media i referohet një deklarate të dhënë nga Miss Kosova Marigona Dragusha, e cila është shprehur se ka kaluar gjashtë javë të mrekullueshme në SHBA duke punuar me fotografin Fadil Berisha dhe vajzën nga Shqipëria Hasna Xhukici. Kjo zgjedhje, shkruan revista spanjolle, ka qenë e qëllimshme, që këto dy vajza të bashkohen më pas me agjencinë e tij të modelimit në Amerikë që drejtohet nga Trump. Nga ana tjetër, presidentja e “Miss Universe”, fill pas deklaratave ka pohuar se zgjedhja e Stefania Frenandez ka qenë e ligjshme. “Ne nuk kemi vendosur të denoncojmë akuzat ndaj zgjedhjes se Stefania Fernandez, pasi ajo fitoi konkursin në mënyrë legjitime. Vajzat kandidate në ‘Miss Univers’ janë qenie njerëzore dhe mund të dyshojnë”, tha Paula Shugart. Ajo ka sqaruar se çdo vit ka gjithmonë një polemikë, pa marrë parasysh cili kandidat fiton, pasi vetëm një nga konkurrentët do të shpallet fitues dhe askush nuk do të jetë plotësisht i kënaqur me rezultatin. “Unë e di se ka shumë njerëz të cilët janë të zhgënjyer, por kjo nuk është asgjë e re për ne. Stefania Fernandez bëri histori duke marrë kurorën e ‘Miss Universe’, por zgjedhja e saj do të shënohet në kujtesën time si një nga më të kritikuar e të gjitha kohërave”.
Downloadoni dhe instaloni Toolbarin më të mirë shqiptar. Përmbajte të ndryshme : Të gjithaTVshqiptare LIVE, VIP Shpija e Kosoves LIVE, Big Brother Albania 4 LIVE, Video lajme, Facebook, Radio Shqiptare LIVE, Seriale dhe humore me të reja!