Konkurrentja Arjeta Oruqi në spektaklin e KTV-së "Shpija e Kosovs 2” nuk e ka pritur që në fillim të kësaj aventure ti paraqiten kundërshtarët e saj. Kjo është familja Meholli nga Vushtrria e cila i ka nisur një letër publike KTV-së për programin e saj ku i kërkon ta largoj njërën prej konkurrenteve.

 

"Të nderuar organizatorë të emisionit "SHPIJA E KOSOVES 2”, shfaqim mllefin tonë familjarë për praninë e kryeses së veprës penale, Arijeta Uruqi në programin Tuaj, e cila meriton të jetë në burg e jo të komunikoj me publikun.

 

Kjo femër me 23 Tetor të vitit 2010 si drejtuese e veturës pa kurfar respektimi të rrergullave të komuinkacionit shkaktoj vdekjen e kobshme të djlait, vllaut, nipit tonë 21 vjeçar Fitim (Muharrem) Mehollit nga Prishtina. Për fat të keq, kësaj as që i shkoj mendja ta vizitojë dhe të kerkoj falje nga familja e dëmtuar. Tani ajo paskrupull del e prezentohët në programin e Juaj televiziv duke bërë shaka”, thuhet në letrën publike.

 

Më tej thuhet se "për familjen tonë kjo është një ofendim i madh aq sa kur e shikuan prindërit dhe të afermit e djalit të vdekur u alivanosën”. Familja Meholli i kërkon KTV-së ta largoj nga spektakli atë në emër të humanizmit dhe nëse ajo vazhdon të jetë në atë program do ta dëmtoj imazhin e KTV-së.

"Njëherit ju informojmë se familja e dëmtuar dhe farefisi i gjërë i kësajë familje jemi shumë të revoltuar, dhe shprehim habi se si është e mundur që një kryes i vepres penale që e ka shkaktuar vdekjen e më të dashurit tonë, në vend se të gjindet prapa grillave, ajo me pafytyrësi paraqitet në emisionin televiziv "Shpija e Kosovës 2” duke i bërë strehim të sigurt kryeses së veprës penale e që nxit iritim dhe revoltë tek familja e damtuar”, thuhet në komunikatë./www.besniku.tk/