Porsche ka vendosur të na i paraqes fotografitë dhe videon zyrtare të modelit të ri Cayenne vetëm 24 orë pasi që fotografitë me kualitet të ulët kishin depërtuar në internet.

 

Cayenne i ri është rritur për tri centimetra gjatësi, derisa largësia në mes boshteve i është zgjatur për dy centimetra e gjysmë. Lartësia dhe gjerësia nuk i janë ndryshuar, mirëpo masa e këtij automjeti është zvogëluar për afro 200 kilogramë.

Nga pikëpamja vizuale Cayenne i është përshtatur modelit Panamera, që në veçanti dallohet nga pamja e dritave të përparme dhe të pasme si dhe nga dizajni i enterierit.

 

Risia më e madhe megjithatë është sistemi hibrid i cili do ta bëj Cayenne, ani pse tingëllon paradoksale, një prej automjeteve të mëdha sportive më ekonomike dhe më të pranueshme nga pikëpamja ekologjike.

 

 

 

Motori trelitërsh V6 me benzinë zhvillon 333 kuaj fuqi dhe është i çiftëzuar me motorin elektrik me 47 kuaj fuqi, 380 KF në përgjithësi, dhe moment rrotullimi prej 680 Nm.

 

 

Porsche pohon se deri në shpejtësinë prej 60 km/h Cayenne Hybrid S mund ta arrijë vetëm motori elektrik, derisa motori me benzinë V6 mund të fiket tërësisht për të mbajtur shpejtësinë deri në 160 kilometra në orë.

 

 

 

 

 

 

Të dhënat zyrtare për shpenzimet e karburantit tani për tani nuk janë publikuar.