I gëzuar tej mase me fitoren e Botërorit, Kapiteni i Spanjës, Iker Casillas, nuk ka mundur të përmbahet.Së pari ka qarë në fushë, në çastin kur Andres Iniesta shënoi golin e fitores, ndërsa pas ndeshjes ka puthur "live" të dashurën e tij, duke u bërë kështu personazhi kryesor i kamerave.
Në një emision të drejtpërdrejtë, të një televizioni spanjoll, ai ka puthur gazetaren Sara Carbenero, e cila po e intervistonte atë, pas ndeshjes finale të Botërorit 2010.
Por, nuk është edhe aq e jashtëzakonshme. Carbonero është e dashura e Casillas."Jam shumë i lumtur. Falenderoj të gjithë ata që më kanë përkrahur, familjen time, vëllain tim...”, tha Casillas dhe nuk arriti të përmbahej nga lotët dhe nga dëshira për ta puthur të dashurën e tij. Sara Carbonero ishte prezent në fushë në të gjitha ndeshjet e Spanjës. Ditë më parë, Casillas është kritikuar se mund t'i tërhiqej vëmendja nga e dashura dhe kështu të humbte koncetrimin në lojë.Madje, mediat kishin shkruar se Spanja dhe tifozët e saj do të shpresonin që Sara Carbonero do të mbante distancë nga i dashuri i saj në ndeshjen finale.
Ajo ishte fajësuar se duke qenë shumë afër me Casillasin, kishte bërë që ky i fundit të pranojë gol në ndeshjen që Spanja e humbi përballë Zvicrës me rezultat 1-0.
Sipas kritikëve, "gazetarja më seksi në botë” kishte penguar Casillasin me paraqitjen e saj prapa portës, duke shkuar më tej me konstatimin se nëse holandezët do të donin të kenë një ‘armë të fshehtë’, do të duhej ta shfrytëzonin Carboneron.
Në fund të gjithë e kuptuan dhe e panë "live" rrëfimin e tyre të dashurisë.
Downloadoni dhe instaloni Toolbarin më të mirë shqiptar. Përmbajte të ndryshme : Të gjithaTVshqiptare LIVE, VIP Shpija e Kosoves LIVE, Big Brother Albania 4 LIVE, Video lajme, Facebook, Radio Shqiptare LIVE, Seriale dhe humore me të reja!
I gëzuar tej mase me fitoren e Botërorit, Kapiteni i Spanjës, Iker Casillas, nuk ka mundur të përmbahet.Së pari ka qarë në fushë, në çastin kur Andres Iniesta shënoi golin e fitores, ndërsa pas ndeshjes ka puthur "live" të dashurën e tij, duke u bërë kështu personazhi kryesor i kamerave. 
