Shqipëria këtë sezon turistik do të përgatitet të presë 3 milion e 500 mijë turistë nga 3 milion që ka patur një vit më parë. Kjo ka qenë deklarata e Ministrit të Turizmit Ferdinand Xhaferri gjatë një takimi me kryetarët e bashkive të vendit.

 

Sipas Xhaferrit duhet më shumë bashkëpunim me pushtetin vendor duke paraqitur propozimet e tyre në Agjencinë Kombëtare të Turizmit pranë ministrisë.Ministri është ndalur edhe në projektet kulturore, të cilat më së shumti janë parë që të jenë në akord me turizmin. Sipas Xhaferrit, përparësi i është dhënë bashkive që janë të lidhura me zhvillimin e turizmit.

Sipas ministrit, këtë vit kemi një përmirësim të dukshëm të infrastrukturës rrugore, por edhe sinjalistika turistike është përmirësuar ndjeshëm.Në vende si Rusia janë dërguar edhe spote publicitare për të promovuar Shqipërinë Turistike.Tani eshte hapur edhe rruga kombetare dhe tuneli Kalimash qe lidhe Kosoven dhe Shqiperine ku pritet te kete edhe me shume shqiptare nga Kosova ne pushime ne Shqiperi. /www.besniku.tk/