Faqja në Facebook e festivalit të njohur EXIT është "hakirat” të hënën pasdite, nga hakerë shqiptarë. Administratorëve të faqes iu pamundësua qasja në të, e më vonë në faqe u panë të postuara edhe parullat, si "Jemi kthyer” dhe "Askush s’mund ta marrë faqen tonë”, të shkruara në anglisht dhe në shqip.

Administratorët e EXIT’it nuk mundën të bëjnë asgjë, derisa pak më vonë një person, me emrin Ervin Sulaj, nuk publikoi një koment."Faqja juaj është sulmuar dhe ajo do të fshihet së shpejti”.

Ndërkohë në profil u paraqit logoja e "Albanian Cyber Army”, dhe motoja "We don’t forget”.Veç tjerash, në faqe u postua edhe një video e paraqitjes së David Guettas nga EXIT i vitit të kaluar.Faqja e festivalit EXIT në Facebook numëron rreth 110,000 adhurues, dhe është një ndër faqet më të vizituara në botë.Vetë EXIT’i ndërkaq radhitet si njëri ndër festivalet muzikore më të njohura në botë. Festivali muzikor mbahet për çdo vit në Novi Sad, dhe në të marrin pjesë adhurues të muzikës nga mbarë bota, përfshirë këtu edhe pjesëmarrës nga Kosova. /www.besniku.tk/